بعمل الريڤيو دا عشان اي حد متردد انه يسافر مع WH ياخد قرار وهو مطمن
اولا انا دي اول مره ليا لي اوروبا واول مره اطلع شنجن هما ساعدوني جدا في كل الاوراق وكل حاجه عشان آخد الڤيزا وطلعناها وكانت كل حاجه سهله الحمدلله
ثانيا هما ساعدوني في اختيار البلاد اللي اروحها وكانو متعاونين معايا اوي
طيب ليه تروح مع شركه ومتروحش لوحدك؟ ودي حاجه كلنا بنفكر فيها
الاجابه هي انك لو عاوز يبقا بالك مرتاح ومش شايل هم السفريه لازم تروح مع شركه بالذات لو هتررح كذا بلد مش بلد واحده لانك مش بتبقا شايل هم المواصلات ولا ان الفندق يا ترى هيطلع حلو ولا لا ولا النقل من المطار للفندق وكمان مش هنبقا شايل هم ازاي تحضر للفيزا وحجز الطيران وكل دا
نتكلم بقا على الرحله نفسها وانا اخترت رحلة budapest , vienna , prague
وكان معاهم dresden ودي كانت بلد اختياري عايز تروحها او لا
اولا التلت بلاد كل بلد هتتبسط فيها بشكل مختلف عن البلد اللي بعدها سفريه هتشوف فيها حاجات كتير اوي بس مت غير ما تحس بزهق او تعب سفريه بجد خفيفه وبلاد خفيفه عالقلب بالذات prague
لو في حاجه واحده بس كان نفسي اعملها هي اني اروحهم في الشتا لان الصيف السنه دي كان حر جدا غير كدا كل حاجه كانت حلوه
شكرا استاذه ماريان واستاذه ميرنا مجدي واستاذه مارتينا على تعبكو معانا
